Android early access · v0.6.8

Flash ab aapke phone par.

"Flash" boliye aur kaam shuru. Call, message, music, alarm, aur screen par jo dikh raha hai uske sawaal — sab Hindi, English ya Hinglish mein. Play Store par aane se pehle, sabse pehle aap use kariye.

Download APK · 22 MB Install kaise karein
Android 10 ya naya Khud update hota hai Wake word phone par hi pehchana jaata hai Early access
01 · Install

Chaar step. Do minute.

Beech mein Android kuch sawaal poochhega. Ye normal hai — har step pe kya dabana hai, yahan dikha diya hai.

APK download karein

Chrome "ye file nuksaan kar sakti hai" bol sakta hai. Ye har APK file pe aata hai.

File might be harmful

Do you want to download flash.apk anyway?

CancelDownload anyway

Unknown apps allow karein

Pehli baar Android poochhega ki Chrome (ya File Manager) ko apps install karne dein ya nahi.

Install unknown apps

Chrome → Allow from this source

BackAllow

Play Protect ko jawab dein

Play Protect app scan karne ya rokne ka bol sakta hai. "More details" kholiye.

Blocked by Play Protect

This app was built for an older version of Android or isn't recognised…

OKMore details → Install anyway

Login karein, "Flash" boliye

Pehli baar Start pe Flash ek chhota voice model download karta hai, phir permissions ek-ek karke maangta hai.

Allow Flash to record audio?

Wake word "Flash" sunne ke liye.

Don't allowWhile using the app
02 · Warnings kyun aati hain

Warning ka matlab virus nahi.
Matlab "Google isse nahi jaanta".

Seedhi baat — ye teen wajah hain, aur teeno sach hain.

01

Play Store ke bahar se hai

Flash abhi early access mein hai, Play Store pe nahi. Android har us app ko extra shak se dekhta hai jo store ke bahar se aaye — chahe wo kisi bhi company ka ho.

02

Naya app, kam installs

Play Protect un apps ko pehchanta hai jo laakhon phones pe chal chuke hain. Flash naya hai, isliye uske paas abhi woh "history" nahi hai.

03

Permissions zyada hain

Voice assistant ko mic, screen, contacts aur calls chahiye — tabhi wo kaam kar paata hai. Itni permissions ek saath dekh kar Android saavdhaan karta hai. Har permission ka kaam neeche likha hai.

!

Android 13+ pe "Restricted setting" dikhe toh

Store ke bahar se aaye apps ke liye Android kuch settings (jaise Notification access) by default lock rakhta hai. Kholne ke liye: Settings → Apps → Flash → ⋮ (upar kone mein) → Allow restricted settings. Phir wapas Flash mein jaakar permission on karein.

Hum Play Store listing aur verified developer process par kaam kar rahe hain. Uske baad ye warnings nahi aayengi.

03 · Permissions

Har permission, aur uski wajah.

Sirf mic zaroori hai. Baaki sab optional hain — jo band karoge, sirf wahi feature kaam nahi karega. Baaki Flash chalta rahega.

Microphone

Zaroori

"Flash" sunne ke liye. Wake word aapke phone par hi offline pehchana jaata hai. "Flash" ke baad jo command bolte ho, wo phone ke speech recognizer se text banta hai, phir jawab ke liye Flash ke server pe jaata hai.

Band karne pe: Flash sun nahi payega, isliye app kaam nahi karega.

Screen dekhna

Optional

Jab aap poochho "screen pe ye kya hai?" — tab sirf ek frame liya jaata hai aur jawab ke liye bheja jaata hai. Lagaatar recording nahi hoti. Android khud har Start pe ijaazat maangta hai.

Band karne pe: Screen wale sawaal nahi chalenge. Flash bata dega ki screen vision off hai.

Display over other apps

Optional

Floating Flash bubble aur jawab ke captions dusre apps ke upar dikhane ke liye.

Band karne pe: Bubble aur captions nahi dikhenge, aawaz se jawab milta rahega.

Notifications

Optional

Android ka rule hai ki background mein mic chalane wala app ek notification dikhaye, taaki aapko pata rahe ki Flash on hai.

Band karne pe: Flash chalega, bas status notification nahi dikhega.

Contacts, calls, call log

Optional

"Mummy ko call karo", "Rahul ko WhatsApp pe hello bhejo", "last number redial karo". Contacts aur call log aapke phone par hi padhe jaate hain — Flash ke server pe upload nahi hote.

Band karne pe: Naam se call / message nahi hoga.

Notification access

Optional

"Kaunsa gaana chal raha hai?", "next song", "meri notifications padh do" — music control aur notifications padhne ke liye.

Band karne pe: Now-playing aur notification readout nahi chalega. Play / pause phir bhi chalega.

Modify system settings

Optional

"Brightness kam karo", "screen timeout 2 minute", "auto-rotate band karo".

Band karne pe: Ye settings aawaz se nahi badlengi.

Do Not Disturb access

Optional

"Phone silent karo", "DND on karo" — ringer aur Do Not Disturb badalne ke liye.

Band karne pe: Silent / DND aawaz se nahi hoga.

Wi-Fi, Bluetooth, network

Optional

"Wi-Fi on karo", "Bluetooth band karo", "net chal raha hai?". Jahan Android direct allow nahi karta, Flash sahi settings panel khol deta hai.

Band karne pe: Ye toggles aawaz se nahi honge.

Alarms & timers

Optional

"Kal 6 baje alarm lagao", "10 minute ka timer". Aapki Clock app mein hi set hota hai.

Band karne pe: Alarm / timer aawaz se set nahi hoga.

Device admin

Optional

Sirf ek kaam ke liye: "phone lock karo". Flash isse aur kuch nahi karta. Chaho toh kabhi on hi mat karo.

Band karne pe: Aawaz se phone lock nahi hoga. Uninstall se pehle isse band karna padta hai.

Install updates

Optional

Flash Play Store pe nahi hai, isliye naya version khud download karke install karta hai. Sirf Flash ka apna update — koi dusra app nahi.

Band karne pe: Naya version is page se khud download karna padega.

Flash ke andar se band karein

  1. Flash kholiye, upar avatar par tap kariye.
  2. Permissions kholiye.
  3. Jo nahi chahiye uska toggle band kariye. Har toggle ke saath likha hai wo kis kaam ka hai.

Android Settings se band karein

  1. Settings → Apps → Flash → Permissions
  2. Mic, contacts, phone wagairah yahan se band hote hain.
  3. Special access (Display over apps, Notification access, Device admin) ke liye: Settings → Apps → Special app access.
04 · Kab kaam aata hai

Jab haath busy hon, aawaz kaafi hai.

Padhai karte waqt Screen pe ye question samjha do

PDF ya photo khula hai, aur ek step samajh nahi aa raha. Flash wahi dekh kar Hinglish mein samjhata hai.

Khaana banate waqt 15 minute ka timer laga do

Haath mein aata laga hai, phone chhoona nahi hai. Bolo aur kaam ho gaya.

Gaadi / bike pe Papa ko call karo

Do "Papa" saved hain? Flash number ke aakhri 4 digit bol kar poochh leta hai kaunsa.

Gym ya walk pe Arijit ka koi gaana Spotify pe chalao

Seedha gaana chalta hai, search page pe atakta nahi. "Next" aur "volume badhao" bhi.

Raat ko Phone silent karo aur 6 baje alarm

Ek baar mein do kaam. Brightness bhi kam karwa lo.

Kisi app mein atke Is setting ka matlab kya hai?

Naya app, ajeeb option. Flash screen dekh kar batata hai ki ye kya karta hai.

05 · Flash alag kyun hai

Assistant jo aapki tarah baat karta hai.

Phone mein assistant pehle se hota hai. Flash ye cheezein alag karta hai — aur jahan abhi kaam baaki hai, wo bhi bata rahe hain.

Jahan Flash aage hai

  • Hinglish natively"Mummy ko bol do 10 min mein aa raha hoon" — aise hi bolo, translate karke nahi.
  • Padhai ke liye banaSirf jawab nahi, samjhata hai. Step-by-step, aur jitni baar chaho utni baar.
  • Phone aur PC, ek accountWahi Flash, wahi login — laptop pe padhai, phone pe chalte-chalte.
  • Screen sirf poochhne parEk sawaal, ek frame. Lagaatar kuch record nahi hota.
  • Ambiguity pe poochhta haiDo same naam wale contact? Galat number pe call karne ki jagah pehle poochhta hai.
  • Shared PoolEk plan chaar log baant sakte hain. Pricing

Jahan abhi kaam chal raha hai

  • Early access haiBugs aa sakte hain. App ke andar Recent activity mein dikhta hai kya hua.
  • Wake word har accent pe perfect nahi"Flash ko apni awaaz sikhao" se 5 baar bol kar sikha sakte ho.
  • Play Store pe nahiIsliye install pe warnings. Listing pe kaam chal raha hai.
  • Internet chahiyeWake word offline hai, par jawab ke liye internet zaroori hai.
Windows Downloads paused

Desktop app jald wapas aa raha hai.

Performance aur bugs pe kaam chal raha hai. Taiyaar hote hi khabar chahiye? Email chhod dijiye.

06 · FAQ

Aur kuch poochhna hai?

Kya Flash safe hai?

Flash DhruvRaj Studios ka product hai. Ye kaunsi permission kis kaam ke liye leta hai, wo upar likha hai, aur har permission aap kabhi bhi band kar sakte ho. Contacts aur call log phone pe hi rehte hain. Screen tabhi dekhi jaati hai jab aap poochho.

Update kaise milega?

Flash kholne pe wo khud check karta hai ki naya version hai ya nahi. Hai toh download karke install kar deta hai. Play Store ki zaroorat nahi.

Kitni battery aur data lagta hai?

"Flash" sunne ka kaam phone pe hi offline hota hai, isliye usme data nahi lagta. Data sirf jawab lene mein lagta hai. Pehli baar Start pe ek chhota voice model download hota hai. Battery ki chinta ho toh Flash ko Stop kar dijiye jab zaroorat na ho.

Uninstall kaise karein?

Agar Device admin on kiya tha toh pehle use band kariye: Settings → Security → Device admin apps → Flash. Phir normal tarike se uninstall kariye.

Play Protect ne block kar diya, ab?

"More details" par tap kariye, phir "Install anyway". Agar ye option na dikhe toh Play Store app mein Play Protect settings mein jaakar dekhiye. Ye isliye hota hai kyunki app Play Store ke bahar se aaya hai, upar "Warnings kyun aati hain" padhiye.